हेटौडा १ जेठ । हेटौंडा उपमहानगरपालिकाको मेयरमा नेकपा एकीकृत समाजवादीकी उम्मेदवार मीना लामा अग्रस्थानमा परेकी छन् । पहिलो स्थानमा उक्लिएको एमालेलाई तेस्रो स्थानमा पुर्याउँदै एकीकृत समाजवादीकी
मीना लामा पहिलो पुगेकी हुन् ।
पछिल्लो मतगणना अनुसार उनले २ हजार २७४ मतसहित अगाडी आएकी छन् । दोस्रोमा राप्रपाका उम्मेदवार दीपकबहादुर सिंह रहेका परेका छन् । उनले २ हजार २२५ मत प्राप्त गरेका छन् ।
सुरुवाती मत गणनामा पहिलो स्थानमा पुगेको एमालेका उम्मेदवार अनन्त पौडेल २ हजार ११२ मत पाएका छन् । हाल हेटौंडा १, २, १८ र १९ नम्बर वडामा मतगणना भइरहेको छ ।
