गुल्मी २ जेठ । गुल्मीको मुसिकोट नगरपालिकामा दलित समुदायका २४ वर्षीय युवक वडाध्यक्षमा निर्वाचित भएका छन् ।
वडा नम्बर-८ साविक वामी गाविसका २४ वर्षीय रमेश रसौली बिक पहिलोपटक दलित समुदायबाट वडाध्यक्षमा निर्वाचित भएका हुन् ।उनले एमाले उम्मेदवार नारायण सापकोटालाई ६९ मतले पछाडि पार्दै निर्वाचित भएका हुन् ।
बिकले ५९३ मत ल्याउँदा सापकोटाले ५२४ मत ल्याएर पराजय भोगेका हुन् । गठबन्धनको तर्फबाट उम्मेद्वार रहेका विक नेपाल दलित सघं मुसिकोट नगर सभापति समेत हुन् ।
विगत ३५ वर्ष देखि नेकपा एमालेको लालकिल्ला रहेको वडा न.८ तथा साविक वामी गाविसमा यस पटक कांग्रेसले वाजी मारेको छ ।
