काठमाडौं-शुक्रबार नेपाली बजारमा सुनको भाउमा वृद्धि भएको छ। बिहीबारको तुलनामा सुनको भाउ प्रतितोला १ हजार रुपैयाँले बढेको नेपाल सुनचाँदी व्यवसायी महासंघले जनाएको छ । महासंघका अनुसार आज छापावाल सुनको भाउ प्रतितोला ९७ हजार ३ सय रुपैयाँ पुगेको छ।
तेजावी सुनको भाउ पनि प्रतितोला ९६ हजार ८ सय रुपैयाँ पुगेको महासंघले जनाएको छ । त्यस्तै चाँदीको भाउ पनि प्रतितोला १५ रुपैयाँले बढेको छ। चाँदी प्रतितोेला १२७० रुपैयाँमा कारोबार भइरहेको छ।
