काठमाडौं १२ जेठ । नेकपा एकीकृत समाजवादीका सम्मानीत नेता झलनाथ खनालले आफैले बनाएको प्रधानमन्त्री शेरबहादुर देउवामाथि प्रश्न गरेका छन् ।
सत्ता साझेदारी दल नेकपा एसका नेता खनालले सरकारको विदेश नीति संगतीपूर्ण नदेखिएको भन्दै तिब्बती शरणार्थी क्याम्पमा अमेरिकी उपविदेश लाई किन प्रवेश दिएको भन्दै प्रश्न गरेका हुन् ।
उपविदेश मन्त्रीलाई तीन चारवटा देशका राजदूतले स्वागत गरेको भन्दै यसमा सरकारको धारणा समेत उनले माग गरेका छन् । अमेरिकी उपविदेश मन्त्रीलाई नेपालमा कसले निम्तो दिएको भन्दै यसले राष्ट्रिय हितमाथि चोट लाग्ने काम गरेको आरोप समेत लगाएका छन् ।
सरकारले सन्तुलित परराष्ट्र नीति लिन नसक्दा अमेरिकी हस्तक्षेप बढ्दै गएको उनले दावी गरेका छन् ।
