काठमाडौँ । गायक शाहिलराज पाण्डेको नयाँ गीत ऋतुहरुमाको म्यूजिक भिडियो सार्वजनिक भएको छ । महोत्तरीको बर्दीबासका गायक शाहिलकै शब्द सिर्जनामा तयार भएको गीतमा संगीत श्याम बाग्दासको रहेको छ । पेशाले मेकानिकल इञ्जिनियर समेत रहेका गायक तथा मोडल शाहिललाई ऋतुहरुमा अभिनयमा स्मारिका ढकालले साथ दिएकी छिन् ।
आफ्नो कामको शिलशिलामा ब्यस्त दैनिकीका बाबजुत पनि हेर्दा हेर्दैमा सुटुक्क प्रेममा डुबेको प्रेमाभावलाई कलात्मक शैलीमा भिडियोमा देखाइएको छ । जसमा मोडलद्धय साहिल र स्मारिकाको बेजोड अभिनय देख्न सकिन्छ ।
काठमाडौँ उपत्यकाका रमणीयस्थल गोदावरी र भृकुटीमण्डमा छायांकन गरिएको भिडियोले एक रोमान्टिक प्रेम कहानीलाई बोलेको र हरेक प्रेमील जोडीले आफ्नो कथालाई भिडियो हेरेपछि स्मरण गर्ने निर्देशक प्रकाश धितालले बताए । उत्सब दाहालको छायांकन रहेको भिडियोको सम्पादन विकाश दाहालले गरेका हुन् ।
भिडियो गायक साहिलकै आफ्नै अफिसियल च्यानलबाट बजारमा आएको हो । गायक साहिलले यसअघि नैना, जिन्दगी, पानी थिए, लगायतका गीतहरु बजारमा ल्याइसकेका छन् ।
