काठमाडौं :
प्रेमगीत ३’लाई कर छुट दिन नेपाल चलचित्रकर्मी महासंघ प्रदेश नम्बर १ ले सरकारलाई आग्रह गरेको छ । अध्यक्ष अरुणकुमार प्रधान र महासचिव दिनेश कोइरालाले विज्ञप्ति जारी गर्दै कर छुट दिन र नेपाली फिल्मसरह सेवासुविधा दिन आग्रह गरेको छ ।
संघले विवादलाई त्यागेर सबै पक्ष सँगै बसेर फिल्म हेर्न समेत आग्रह गरेको छ । भुवन केसी नेतृत्वको चलचित्र विकास बोर्डले उल्झन खडा गरेको भन्ने विवाद चलिरहे पछि पहिलो पटक महासंघको प्रदेश १ मुख खोलेको हो ।
‘प्रेमगीत ३’ र चलचित्र विकास बोर्डबीच विवाद चर्कंदै जाँदा अभिनेता प्रदीप खड्काले अध्यक्ष भुवन केसीको राजीनामा मागेपछि यस विषयले थप चर्चा पाएको छ । प्रेमगीत ३’ शुक्रबारदेखि नेपाल र भारतसहितका मुलुकमा प्रदर्शन हुँदैछ ।
