चितवन-चितवनमा भारतबाट अवैधरुपमा ल्याइएको दुई हजार किलो भारतीय माछा सोमबार नष्ट गरिँदै । मत्स्य व्यवसायी संघ र सशस्त्र प्रहरी बल आँपटारीको सयुक्त टोलीद्वारा बरामद गरिएको माछा नष्ट गरिएको हो । तस्बिर :कृष्ण आचार्य,रासस
यो पनि पढनुहोस:विजेता खेलाडीलाई सम्मान- बङ्गलादेशको राजधानी ढाकामा सम्पन्न साफ यू–१५ महिला फुटबल च्याम्पियनशिप खेलकुद प्रतियोगिताका विजेता खेलाडीहरुलाई सम्मान गरिएको छ । बालकल्याण मावि भूतपूर्व विद्यार्थी समाज लम्की कैलालीले राजधानीमा स्वागत तथा सम्मान कार्यक्रमको आयोजना गरी राष्ट्रिय टोलीको प्रतिनिधित्व गर्दै उत्कृष्ट खेल प्रदर्शन गरेका बालकल्याण मावि विद्यार्थी वर्षा वली र भूमिका बुढाथोकीलाई सम्मान गरिएको हो ।
कात्तिक १५ देखि २५ गतेसम्म भएका खेलमा वर्षा वलीले बङ्गलादेशलाई १–० गोलले हराउँदै नेपालले लगातार दोस्रो जित दिलाएकी थिइन् । त्यसैगरी भूटानसँगका खेलमा ७ गोलमध्ये वर्षाले ४ गोल गरेकी थिइन् ।
कार्यक्रममा बालकल्याण मावि भूतपूर्वविद्यार्थी समाज लम्कीका अध्यक्ष तारा आचार्यले विजयी खेलाडीहरुलाई खाता, प्रमाणपत्र र नगदसहित सम्मान गर्नुभएको थियो । कार्यक्रममा विद्यार्थी नेता तारा सन्ज्याल, पत्रकार डम्मर बम, विद्यार्थी नेता रमेश आचार्य, विद्यालयका पूर्वविद्यार्थीहरू अरुण चौधरी, लक्ष्मी आचार्य, निरज बोहरालगायतले बधाई तथा शुभकामना मन्तव्य व्यक्त गर्नुभएको थियो । भौतिक पूर्वाधारको अभावमा आफ्ना विद्यार्थीहरूले खेलकुदको माध्यमबट राष्ट्रलाई चिनाउने काम गरेकामा खुसी लागेको विद्यालयका सहप्राध्यापक रङ्गप्रसाद तिमिल्सिनाले बताउनुभयो ।
