बलिउडका एक्सन किंग अक्षय कुमारको क्रेज संसार भर फैलिएको छ ।अक्षयले यस्ता धेरै फिल्म बनाएका छन्, जसमा रोमान्स, एक्सन, कमेडीको पूरा डोज छ । अक्षयका धेरै फिल्महरु देशभक्तिको भावनाले भरिएका छन् । तर अहिले एक फ्यानले आफ्नो फिल्म बेल बटम पाकिस्तानविरुद्ध बनेको दाबी गरेका छन् । यसमा कति सत्यता छ, यसको जवाफ अक्षय आफैले दिएका छन् ।
वास्तवमा अक्षय हालै साउदी अरबमा भएको रेड सी इन्टरनेशनल फिल्म फेस्टिभलमा सहभागी भएका थिए । कार्यक्रममा कुराकानीको क्रममा एक व्यक्तिले अक्षयलाई उनको फिल्म बेल बटमको बारेमा अचम्मको प्रश्न सोधे । ती व्यक्तिले अक्षयलाई भने– म पाकिस्तानबाट आएको हुँ । आफ्नो छिमेकी देशबाट। मेरो तपाईसँग एउटा अनुरोध छ। तपाईंले प्याड म्यान र ट्वाइलेट जस्ता उत्कृष्ट फिल्महरू बनाउनुभयो।
भारत र पाकिस्तानबीच पनि यो मुद्दा चलिरहेको छ । तर तपाईको हालैको फिल्म बेल बटममा धेरै कुराहरु पाकिस्तानको विरुद्धमा थिए । पाकिस्तानी फ्यानको यो दावीमा अक्षयले निकै बुझेर जवाफ दिएका छन् । अक्षयले भने- सर, यो त एउटा फिल्म हो । यसमा त्यति गम्भीर नहुनुहोस्। फिल्म मात्रै छ । यस्ता धेरै कुरा छन् तर यो एउटा मात्र फिल्म हो । अक्षय कुमारको फिल्म बेल बटमलाई रञ्जित तिवारीले निर्देशन गरेका थिए ।
फिल्मको कथा इन्डियन एयरलाइन्सको विमान अपहरणको वरिपरि घुमेको छ, फिल्मको उद्देश्य यात्रुको उद्धार गर्ने थियो । फिल्म बेल बटममा अक्षय कुमारले भारतीय गोप्य एजेन्टको भूमिका निभाएका थिए । भारतमा अक्षयको यो फिल्मलाई दर्शकले निकै रुचाएका थिए । तर, धेरै देशमा यस विषयमा चर्काचर्की भएको थियो । कुवेत, कतार र साउदी अरब जस्ता देशहरूले अक्षयको बेल बटमलाई प्रतिबन्ध लगाएका थिए। फिल्ममा अक्षयसँगै वाणी कपूर, लारा दत्त र हुमा कुरैशी मुख्य भूमिकामा थिए ।
