काठमाडौं – विश्वकपका गोल्डेन बुट विजेता तथा फाइनलका ह्याट्रिककर्ता केलियन एम्बाप्पे चार वर्षपछि फ्रान्स थप शक्तिशाली भएर निस्किने बताएका छन् । पेरिस पुगेपछि स्थानीय पत्रकारसँग कुराकानी गर्दै उनले यस्तो बताएका हुन् ।
विश्वकपको ९२ वर्षको इतिहासको फाइनलमा ह्याट्रिक गर्ने दोस्रो खेलाडी बन्न सफल भएका उनले चार वर्षपछि फ्रान्स थप शक्तिशाली भएर निस्किने बताएका थिए । गोल्डेन बुट बिजेता उनले सन् २०२६ को विश्वकप फुटबलमा फ्रान्सले उपाधि दाबेदारी दिने जनाएका हुन् । विश्वकपमा आठ गोल गर्दै गोल्डेन बुट जितेको क्षणमा एम्बाप्पे त्यति खुसी देखिएनन् ।
जतिबेला उनलाई राष्ट्रपतिले मैदानमै गएर सान्तवना दिएका थिए । लगातार दोस्रोपटक विश्वकप उपाधि जित्ने अभियानको नजिक पुगेको फ्रान्स अर्जेन्टिनासँग टाइब्रेकरमा पराजित भएको थियो ।
