फ्रान्सका स्टार खेलाडी करिम बेन्जिमाले अन्तराष्ट्रिय फुटबलबाट सन्यासको घोषणा गरेका छन् । उनको यो घोषणा संगै फ्रान्सेली टिमका समर्थकहरु निराश बनेका छन् ।स्पेनिस क्लब रियल मड्रिडका मुख्य फरवार्ड समेत रहेका बेन्जिमाले अन्तराष्ट्रिय फुटबलबाट सन्यास लिने घोषणा गरेका हुन् ।
प्रतियोगिताको दौरान चोट लागेपछि उनी विश्वकपको टिमबाट बाहिरिएका थिए । उनी चोटमुक्त भएर आईतबार सम्पन्न फाइनलमा मैदान फर्कने अपेक्षा धेरैले गरेका थिए । तर नफर्किए पछि समर्थकहरु थप निराश बनेका थिए । उनी रियल मड्रिडले खेलेको मैत्रीपूर्ण खेलमा देखिएका थिए ।
मुख्य प्रशिक्षक डिडियर डेसच्याम्पको टिमबाट फालिएपछि बेन्जिमाले कतार फर्कने अवसरलाई अस्विकार गर्दै आएका थिए । फ्रान्स विश्वकप फुटबलको फाइनलमा पराजित भएको भोलिपल्ट नै सामाजिक सञ्जालमार्फत बेन्जिमाले अन्तराष्ट्रिय फुटबलबाट सन्यास लिने घोषणा गरेका हुन् ।
