भारतीय टिभी रियालिटी शो ‘बिग बोस १६’ यतिबेला निकै चर्चामा रहेको छ । शोको ग्रान्ड फिनाले आउन केही दिन बाँकी छ । शो सकिन १० दिनभन्दा कम समय बाँकी छ। यो अवधिमा हरेक दिन केही न केही नयाँ देख्न पाइन्छ । शोका प्रतियोगीहरू पनि हंगामा गर्नबाट पछि हटेका छैनन्। यस शोबाट अहिलेसम्म धेरै प्रतियोगी बाहिरिएका छन् ।
यसैबीच, फाइनल अघि धेरै प्रतियोगीहरूको भाग्य चम्किएको छ। जसका कारण शिव ठाकरे अहिले चर्चामा छन् । यसैबीच शिव ठाकरेसँग जोडिएको एउटा ठूलो खबर बाहिर आएको छ । हालै शिव ठाकरे र प्रियंका चाहर चौधरीले श्रीमान् श्रीमतीको अभिनय गरेको भिडियो पनि भाइरल भएको थियो । यसपछि अब शिव ठाकरेको बारेमा नयाँ खबर आएको छ, जुन सुनेर उनका फ्यानहरु निकै खुसी हुनेछन् ।
शोको फाइनल अघि शिव ठाकरेले सलमान खानको फिल्म पाएको खबर बाहिर आएको छ । यस फिल्ममा शिव ठाकरे विशेष भूमिकामा देखिनेछन् । यस फिल्मको बारेमा धेरै जानकारी बाहिर आएको छैन। समाचारका अनुसार शिव ठाकरे सलमान खानको आगामी फिल्ममा डेब्यु गर्न लागेका छन् । बिग बोस १६ को ग्राण्ड फिनालेको बारेमा कुरा गर्दा अर्चना गौतम, प्रियंका चौधरी, शालीन भानोट, निमृत कौर अहलुवालिया, शिव ठाकरे र एमसी स्टेन पुगेका छन् ।
धेरै मिडिया रिपोर्टमा शिव ठाकरेलाई बिग बोस १६ को विजेता पनि भनिएको छ । अर्कोतर्फ, २०२३ मा सलमान खानको आगामी फिल्मको कुरा गर्दा उनी एक नभई दुईवटा फिल्ममा देखिनेछन् । सलमान खानको फिल्म ‘किसी का भाइ किसकी जान’ बाट धेरै स्टारले बलिउडमा डेब्यू गर्ने भएका छन् ।
बिग बोस १३ फेम शहनाज गिल पनि यो फिल्मबाट डेब्यु गर्दैछिन् । योसँगै सलमान खानको फिल्म ‘टाइगर ३’ पनि यसै वर्ष रिलिज हुँदैछ । हालै शाहरुख खानको फिल्म पठानमा पनि सलमान खानको क्यामियो देखियो।
