हलिउड स्टार पल रुडको फिल्म ‘एन्ट–म्यान एण्ड द वास्पः क्वान्टुमेनिया’ १७ फेब्रुअरीमा रिलिज भएको छ । उनी हिजोआज सामाजिक सञ्जालमा आफ्नो फिल्मको प्रमोशन गरिरहेको देखिन्छ । यसैबीच, पलले आफ्नो इन्स्टाग्राम ह्यान्डलमा भारतीय शेफ विकास खन्नासँग कुराकानी गरेका छन्। यस क्रममा उनले खानपिनदेखि फिल्म र स्टारका बारेमा कुरा गरे ।
मनपर्ने खानासँगै पलको मनपर्ने फिल्मले फ्यानको ध्यान तानेको छ । भिडियोमा पलले आफ्नो मनपर्ने भारतीय फिल्मको बारेमा पनि खुलासा गरेका छन् । यससँगै उनले शाहरुख खानको बारेमा पनि एउटा कुरा भनेका छन्।भिडियोमा पल एसएस राजामौलीको फिल्म आरआरआरको बारेमा कुरा गरिरहेको देखिन्छ, जसले नेटफ्लिक्समा आएपछि अमेरिकामा ठूलो चर्चा पायो।
राम चरण र जूनियर एनटीआर स्टारर आरआरआर मार्च २०२२ मा थिएटरहरूमा रिलिज हुने थियो। त्यसयता फिल्मले लगातार तरंग बनाएको छ । गोल्डेन ग्लोब्स २०२३ मा उत्कृष्ट मौलिक गीतको विधामा विजयी भएपछि यो फिल्म ९५ औं एकेडेमी अवार्डका लागि पनि मनोनयनमा परेको छ ।
चलचित्र ‘आरआरआर’ को गीत ‘नाटु नातु’ ओस्कारमा उत्कृष्ट संगीतको विधामा ९ओरिजिनल गीत० मनोनयनमा परेको छ । पलले आफूलाई यो फिल्म सबैभन्दा मन परेको बताए । उनले यो चलचित्रलाई सबैले मन पराएको बताए । उनका अनुसार नेटफ्लिक्समा रिलिज भएपछि अमेरिकामा राम्रो प्रतिक्रिया पाएको थियो ।
