इन्टरटेनमेन्ट क्वीन राखी सावन्तका पति आदिल खान दुर्रानीको समस्या झन् बढ्दै गएको छ । एकातिर राखीले आदिललाई कुटपिट र धोका दिएको आरोप लगाएकी छिन् । यसै क्रममा आदिल खान विरुद्ध बलात्कारको मुद्दा दर्ता भएको खबर बाहिर आएको छ । इरानकी एक छात्राले आदिलविरुद्ध बलात्कारको मुद्दा दायर गरेको खबर आएको छ ।

राखी सावन्तका पति आदिल खानविरुद्ध मैसूरमा एफआईआर दर्ता भएको छ । एक इरानी विद्यार्थीले मैसूरको वीवी पुरम पुलिस स्टेशनमा आदिलविरुद्ध बलात्कारको मुद्दा दर्ता गराएकी छन्। आदिल विरुद्ध आईपीसीको धारा ३७६, ४१७, ४२०, ५०४ र ५०६ अन्तर्गत एफआईआर दर्ता गरिएको छ। जानकारीका अनुसार इरानका एक विद्यार्थी डाक्टर अफ फार्मेसी पढ्न भारत आएकि थिईन् ।

ती केटीले आदिल खानलाई डेजर्ट ल्याब फुड अड्डामा भेटिन्। आदिल त्यो फूड आउटलेटको मालिक थिए। बिस्तारै दुबैको घनिष्टता बढ्दै गयो । उजुरीका अनुसार इरानी छात्राले आदिलले मैसूरको एउटा अपार्टमेन्टमा विवाहको बहानामा आफू सँगै बस्ने गरेका थिए । जानकारीaका अनुसार इरानी युवतीले ५ महिनाअघि आदिलसँग बिहे गर्न माग गर्दा उनले बिहे गर्न अस्वीकार गर्दै आफु जस्ता धेरै युवतीसँग समान सम्बन्ध रहेको बताएका थिए ।

युवतीले आदिललाई प्रहरीमा उजुरी दिने धम्की दिएपछि उनले दुईवटा मोबाइल नम्बरबाट स्न्यापच्याटमा युवतीका केही घनिष्ट तस्बिर पठाए । युवतीले उजुरीमा दुवै फोन नम्बर पनि उल्लेख गरेकी छिन् । आदिलले युवतीलाई धम्की दिए कि उसले ती तस्बिरहरू सामाजिक सञ्जालमा सेयर गर्ने र आमाबुवालाई पनि पठाउने छ। युवतीले आफूविरुद्ध उजुरी गरेमा ज्यान मार्ने धम्कीसमेत दिएका छन् ।