केटा र केटी कहिल्यै साथी हुन सक्दैनन् । यो संवाद चलचित्रकी नायिकाका लागि बोलिएको थियो । ती नायिका आफ्नो ५४ औं जन्मदिन मनाउने तयारीमा छिन् । जानौं उनको बारेमा । वास्तवमा हामी फिल्म मैने प्यार किया बाट बलिउडमा डेब्यु गरेकी भाग्यश्रीको कुरा गर्दैछौं । उनको जन्म २३ फेब्रुअरी १९६९ मा भएको थियो।
भाग्यश्री महाराष्ट्रको सांगलीको शाही परिवारकी हुन्। उनका पिता विजय सिंह राव माधवराव पटवर्धन सांगलीका राजा थिए। विजय सिंहका तीन छोरी छन्, जसमध्ये भाग्यश्री जेठी हुन् । भाग्यश्रीले अमोल पालेकरको सिरियल कच्छी धूपबाट आफ्नो करियर सुरु गरेकी थिइन् । यद्यपी उनले फिल्म मैने प्यार किया बाट बलिउडमा डेब्यु गरेकी थिइन् ।
यो कुरा भाग्यश्रीले नै खुलाएकी थिइन् । प्रतिभाशाली अभिनेत्री भए पनि भाग्यश्री लामो समय फिल्मबाट टाढा रहेकी थिइन् । ‘मैने प्यार किया’ फिल्ममा भाग्यश्री र सलमानको जोडीलाई दर्शकले निकै रुचाएका थिए । यस फिल्ममा एउटा दृश्य पनि थियो, जसमा सलमान खानले भाग्यश्रीलाई चुम्बन गर्नुपरेको थियो, तर अभिनेताले त्यसलाई अस्वीकार गरेका थिए।
उनी शाहि परिवारको भएकोले सलमान चुम्बन गर्न डराएका थिए । भाग्यश्रीले पहिलो फिल्मपछि मात्रै सन् १९९० मा व्यापारी हिमालय दासानीसँग विवाह गरिन् । बिहेपछि पनि उनलाई केही फिल्मको अफर आयो, जसलाई अभिनेत्रीले अस्वीकार गरिन् ।
