बी टाउनकी बेबो करीना कपुर आज देशकै चर्चित अभिनेत्री हुन् । नायिकाले यो उद्योगलाई धेरै उत्कृष्ट फिल्म दिएकी छिन् । करीनासँग काम गर्न हरेक निर्देशक उत्सुक छन् । तर एकजना फिल्ममेकर छन् जससँग करिनाले कहिल्यै काम गर्न चाहिनन् । उनि प्रसिद्ध निर्देशक र निर्माता सञ्जय लीला भन्साली रहेका छन् ।
सञ्जय लीला भन्सालीले यसअघि फिल्म ‘देवदास’का लागि करिना कपूरलाई कास्ट गरेका थिए । तर अचानक उनले ऐश्वर्या रायलाई उनको स्थानमा चयन गरे। यो कुरालाई लिएर करिना धेरै वर्षदेखि उनीसँग रिसाएकी थिइन् । सन् २००२ मा फिल्मफेयरलाई दिएको एक अन्तर्वार्तामा करिनाले आफ्नो रिस पोखेकी थिइन् ।
उनले भनिन्, ‘म सञ्जय लीला भन्सालीसँग कहिल्यै काम गर्दिन । उसले मलाई जे गर्यो त्यो गलत थियो। ‘देवदास’का लागि मेरो स्क्रिन टेस्ट लिनुभयो, साइनिङ अमाउन्ट पनि दिनुभयो, त्यसपछि अर्कै लिनुभयो, त्यो गलत थियो । यसले मलाई चोट पुर्यायो किनभने यो मेरो करियरको सुरुमा थियो। कुनै समस्या छैन, किनकि उसले मलाई छोडेको दिन मैले यादिनमा हस्ताक्षर गरें। सञ्जयले मलाई दुखायो । मसँग कुनै काम नभए पनि उनिसंग कहिल्यै काम गर्दिनँ ।
