बलिउड अभिनेता शाहरुख खानको फिल्म ‘पठान’ रिलिज भएदेखि नै आँधी तुफानको गतिमा कमाई गर्दै अहिलेसम्म दर्जनौं कीर्तिमान बनाएको छ । अब चलचित्र पठानले एउटा महत्वपूर्ण कोसेढुङ्गा हासिल गर्न लागेको छ । फिल्म फेब्रअरी २४ तारिखमा छिमेकी देश बंगलादेशमा प्रदर्शनमा आउने भएको छ ।
रोचक कुरा के छ भने झण्डै ८ वर्षपछि छिमेकी मुलुकमा रिलिज हुने यो पहिलो बलिउड फिल्म हुनेछ । यसबाट फ्यानहरु निकै उत्साहित छन् । तर, अहिले फिल्मविरुद्ध आवाज उठिरहेको छ । बंगलादेशका चर्चित अभिनेता डिपजोलले हिन्दी फिल्ममा अभद्र दृश्य र गीत हुने गरेको दाबी गरेका छन्, जुन बंगलादेशको संस्कृतिका लागि उपयुक्त छैन ।
चलचित्र रिलिजमा अभिनेताले आपत्ति जनाएका छन् । सञ्चारमाध्यमसँग कुरा गर्दै डिपजोलले आक्रोश पोख्दै बंगलादेशी फिल्म उद्योगले हरेक वर्गका दर्शकलाई मनोरञ्जन दिन गुणस्तरीय फिल्म ल्याउने प्रयास गरिरहेको बताए । हिन्दी फिल्म आयात भए आफ्नै फिल्ममा नराम्रो असर पर्ने अभिनेताले दाबी गरे । डिपजोल नाम यसको नकारात्मक भूमिकाका लागि परिचित छ।
हालै बंगलादेशको सूचना मन्त्रालयले देशमा हिन्दी फिल्म रिलिज गर्न अनुमति दिएको थियो । मन्त्रालयका अधिकारी र १९ चलचित्र संघसंस्थाले बांग्लादेशी सिनेमा हलमा प्रत्येक वर्ष १० वटा हिन्दी फिल्म रिलिज गर्ने सहमति गरेका थिए । बंगलादेशमा विगत ५ दशकदेखि भारतीय फिल्ममाथि प्रतिबन्ध लगाइएको थियो । यो प्रतिबन्ध २०१५ मा अस्थायी रूपमा हटाइयो।
