काठमाडौं- बलिउड निर्देशक सुवोध चोपडाको नि धन भएको छ । उनको कोरोनाका कारण नि धन भएको बताइएको छ । केहि दिन अगाडी कोरोनाको रिपोर्ट नेगेटिभ आएपछि उनले कोरोना जिते भनेर स्टाटस लेखे पनि उनको मुम्बइमा निधन भएको हो । उनको भाइ शंकर चोपडाका अनुशार उनको रिपोर्ट शनिवार नै नेगेटिभ आएको थियो । तर सोमबार उनलाई एक्कासी गाह्रो भएपछि घरमा नै अक्सिजन म्यानेज गरेका थिए ।
चोपडाको निधनमा नायक अनमोल केसीले पनि दुःख व्यक्त गरेका छन् । उनले सामाजिक संजालमा स्टाटस लेख्दै आफू स्तब्ध भएको बताएका छन् । चोपडाले नायक भूवन केसीले निर्माण गर्ने भनिएको चलचित्र ‘माइतीघर २’का निर्देशन गर्ने भनेर काम अगाडी बढाएका थिए ।
सुवोधले ‘मर्डर, रोग, तुमसा नहीँ देखा’ लगायतका चलचित्रको स्क्रिप्ट लेखेका थिए । उनले, वि।सं २०२३ मा निर्माण भएको चलचित्र ‘माइतीघर’को कथालाई अगाडि बढाउँदै ‘माइतीघर २’ बनाउने तयारी गरेका थिए । सन् १९९७ देखि नै चलचित्रमा सक्रिय रहेका सुवोध स्क्रिप्ट राइटर हुन् ।
