नुवाकोट, २ जेठ-नुवाकोटमा साढे तीन महिनादेखि हराइरहेकी एक महिलाको शव फेला परेको छ ।
गत माघ १५ गतेदेखि हराइरहेकी विदुर नगरपालिका(२ बट्टारकी ५४ वर्षीय देवकी अधिकारीको विदुर नगरपालिका(१० केराघारीस्थित छत्तिवनडाँडामा मंगलबार शव फेला परेको जिल्ला प्रहरी कार्यालय नुवाकोटले जनाएको छ ।
शव देखेपछि स्थानीयले प्रहरीलाई खबर गरेका थिए । कपडा र झोलाको आधारमा उनको पहिचान खुलेको प्रहरीको भनाइ छ ।
