बलिउड अभिनेत्री शिल्पा शेट्टी यतिबेला पति राज कुन्द्राको हर्कतका कारण एकदमै तनावमा रहेकी छिन् । उनका पति राज पोर्नाेग्राफी मुद्धामा फसेपछि उनी यतिबेला तनावमा देखिएकी हुन् । शिल्पा अहिले एक किसिम गुप्तबास जस्तै छिन् ।
उनी डान्स रियालिटी शो सुपर डान्सर च्याप्टर ४ बाट गायब नै भएकी छिन् । उनको हालै रिलीज भएको फिल्म हंगामा २ लाई पनि यस केसको पुरै असर परेको छ । सुपर डान्सर च्याप्टर ४ का लागि भने एउटा नयाँ खबर आएको छ ।
सुपर डान्सर च्याप्टर ४ को टिम शिल्पाको ठाउँमा नयाँ जजको खोजी गरिरहेको छ । निर्माण पक्षले नयाँ जजको लागि अभिनेत्री रवीना टण्डनलाई अफर गरेको थियो । तर उनले यो अफर अस्वीकार गरेकी छिन् । टाइम्स अफ इण्डियाका अनुसार यस शो को निर्माण पक्षले रवीना संग सम्पर्क गरेको थियो ।
तर अभिनेत्रीले जज बन्नका लागि अस्वीकार गरेकी छिन् । रवीनाले शिल्पाको ठाउँमा आफु आएको जस्तो हुने भन्दै प्रस्ताव अस्वीकार गरेकी हुन् । उनको इच्छा यो शो मा फेरी शिल्पा नै आउनु पर्छ । रवीना यतिबेला देश बाहिर रहेकी छिन् । अब उनी आउने महिना फर्कदैछिन् ।
यस शो मा शिल्पाको ठाउँमा गेस्ट जजहरु आईरहेका छन् । यसअघि करिश्मा कपुर, रितेश देशमुख र जेनिलिया देशमुख लाई बोलाईएको छ । आगामी एपिसोडका लागि सोनाली बेन्द्रे र मौसमी चटर्जी आउने पक्का भएका छन् ।
