रुकुम पश्चिम – रुकुम पश्चिममा अरिङ्गालले टोकेर एक जनको मृत्यु भएको छ । मृत्यु हुनेमा त्रिवेणी गाउँपालिका १ का ३८ वर्षीय सुवर्ण सुनार रहेका छन् । सुनार त्रिवेणी गाउँपालिका अन्तर्गत कर सङ्कलन केन्द्र झुल्नेटामा कर सङ्कलक पदमा कार्यरत थिए ।
साथीहरूसँग सल्यानको बाँफुखोलामा अरिङ्गाल झार्न गएको बेला उहाँलाई ५० वटाभन्दा धेरै अरिङ्गालले टोकेका थिए । तीन दिन अगाडि अरिङ्गालले टोको सुनारलाई आज आइतवार उपचारका लागि नेपालगञ्ज लैजाँदै गर्दा ज्यान गएको हो ।
अरिङ्गालले चिलेपछि तीन दिनसम्म झुल्नेटामा रहेको स्वास्थ्य संस्थामा उपचार गर्दा ठिक नभएपछि नेपालगञ्ज लैजादै गर्दा बाटोमा नै ज्यान गएको हो ।