काठमाडौं २६ मंसिर । अवैध लागु औधष सहित प्रहरीले २ जनालाई पक्राउ गरेको छ । पक्राउ पर्नेमा सर्लाही लालबन्दी नगरपालिका-५ बस्ने २२ वर्षीय किरण घिमिरे र सोही ठाउँ बस्ने सिन्धुली हरिहरपुरगढी गाउँपालिका-७ घर भएका २५ वर्षीय आकाश तामाङ थिङ रहेका छन् ।
मकवानपुर, मनहरी गाउँपालिका-९ जयसिंङस्थित राजमार्गबाट ३५ किलो ४ सय ग्राम अवैध लागूऔषध गाँजा सहित निजहरुलाई प्रहरीले शनिबार राति पक्राउ गरेको हो ।
नहरीबाट हेटौंडातर्फ आउँदै गरेको ना.४५ च २३६१ नम्बरको गाडीलाई जिल्ला प्रहरी कार्यालय मकवानपुरबाट खटिएको प्रहरीले जाँच गर्ने क्रममा उक्त गाँजा सहित
गाडी चालक घिमिरे र गाडीमा सवार थिङ पक्राउ परेका हुन् । यस विषयमा प्रहरीले थप अनुशन्धान गरिरहेको छ ।