काठमाडौं, १ फागुन-नेकपा एमालेको सचिवालय बैठक सुरु भएको छ । प्रधानन्यायाधीश चोलेन्द्रशमशेर राणाविरूद्ध सत्ता गठबन्धनले अकस्मात महाअभियोग ल्याएपछि त्यसबारे छलफल गर्न बैठक बोलाइएको एमालेले जनाएको छ।
अध्यक्ष केपी शर्मा ओलीको भक्तपुर बालकोटस्थित निवासमा बैठक सुरू भएको हो । महाभियोग प्रकरणबारे धारणा बनाउन संसदीय दलको बैठक अघि सचिवालय बैठक बोलाइएको छ ।
एमालेले भोलि ११ बजेका लागि संसदीय दलको बैठक बोलाएको छ । बैठकमा सहभागी हुन एमालेले सांसदलाई आज बेलुकासम्म काठमाडौं आइपुग्न निर्देशनसमेत जारी गरेको छ।
