काठमाडौं १० फागुन । लोकतान्त्रिक समाजवादी पार्टीको मंगलबार बसेको बैठले संसदीय दलको बैठक बोलाएको छ ।
बैठक पार्टी केन्द्रिय कार्यालय बबरमलमा बसेको शीर्ष नेताहरूको बैठकले संसदीय दलको बैठक बोलाउने निर्णय गरेको हो । बैठक भोली बुधबार दिउँसो १ बजेका लागि बोलाइएको हो ।
एमसीसी अनुमोदन गराउन आफ्ना सांसदलाई निर्देशन दिन बैठक बोलाइएको बुझिएको छ । साथै भोली बस्ने संसदीय दलको बैठकमा पार्टीको विधानमाथि परिमार्जन गरेर आएको ‘ड्राफ्ट’माथि छलफल गरिने समेत बताइएको छ ।
आजको बसेको बैठकमा बैठकमा अमेरिकी परियोजनाा एमसीसी , पार्टीको आन्तरिक संरचना निर्माण र समसामयिक विषयवस्तुमा छलफलका लागि पार्टीका अध्यक्ष महन्थ ठाकुरले प्रस्ताव राखेका थिए ।
