काठमाडौं ११ फागुन । नेकपा एकिकृत समाजवादी पार्टीले अमेरिकी परियोजना एमसीसीको विषयमा खुला बहस गर्ने भएको छ ।
पार्टीका प्रचार विभाग प्रमुख जगन्नाथ खतिवडाले दिएको जानकारी अनुसार शुक्रबार दिउँसो २ बजे प्रज्ञा भवन कमलादीमा एमसीसीको विषयमा खुला बहस हुने भएको हो । कार्यक्रममा सबैको लागि खुला आमन्त्रण गरिएको पनि उनले जानकारी दिएका छन् ।
पार्टीभित्र एमसीसीको विषयलाई लिएर विवाद र्सिजना भएपछि शुक्रबार पार्टीले खुल्ला बहस गर्ने भएको हो । संसदमा आइतबार टेबल भएपछि नेकपा एसमा विवाद सुरु भएको हो ।
संसदमा एमसीसी टेबल भएपछि विपक्षमा मतदान गर्ने भन्दै आएको नेकपा एसले विरोध कार्यक्रम पनि गर्दै आएको छ ।
तथापी , भोली बिहिबार बस्ने संसदमा बैठकमा एमसीसीको विषयमा छलफल हुने र १३ गते सम्म अनुमोदन गर्ने कांग्रेस सरकारको तयारी रहेको छ ।
