काठमाडौं । अभिनेता सौगात मल्ल र अभिनेत्री दीया पुनको प्रमुख भूमिका रहेको चलचित्र ‘मन्त्र’ वैशाख १६ गतेदेखि देशव्यापी प्रदर्शनमा आउने भएको छ । निर्माण पक्षले चलचित्र विकास बोर्डमा कार्यक्रम गर्दै प्रदर्शनको नयाँ मिति सार्वजनिक गरेको हो । यसअघि २८ माघदेखि प्रदर्शनमा तयारीमा रहेको चलचित्र कोरोना कहरका कारण रोकिएको थियो ।
खिलबहादुर तामाङले निर्देशन गरेको यो चलचित्रमा अभिनेता बुद्धि तामाङ, नमिता घिसिङ, वीरबहादुर लामा, पासाङ टि शेर्पा लगायतका कलाकारको अभिनय छ । चलचित्रका कार्यकारी निर्मातामा सौर्य दैनिकमा खबर छ । देवेन्द्र मानन्धर र निर्मातामा रविराज कार्की, सुरेश कार्की र शुभ श्रेष्ठ रहेका छन् ।
हिमालक्षेत्रको प्रेमकथामा आधारित भनिएको यस चलचित्रमा साम्तेन भुटियाको कथा, सन्तोष सुनारको संगीत रहेको छ । गोर्खा सिरान चोक एन्ड लिगलिग कोट फिल्मस्को ब्यानरमा निर्माण भएको चलचित्रमा मनास्लु हिमालको बेसक्याम्पको कथावस्तुलाई चित्रण गरिएको छ ।
५३ घरलाई ‘एक घर, एक धारा’ वितरण-काभ्रेपलाञ्चोकको विकट डाँडापारिस्थित महाभारत गाउँपालिका–६ का घ्याब्रिङ र बालखोपका बासिन्दालाई धारा वितरण गरिएको छ । बागमती प्रदेश सरकारको आर्थिक वर्ष २०७७÷०७८ को प्रदेश विशेष अनुदान र गाउँपालिकाको साझेदारी बजेटबाट त्यहाँका ५३ घर परिवार र एक विद्यालयलाई ‘एक घर, एक धारा’ खानेपानी वितरण गरेपछि सो ठाउँका ३८० बासिन्दाले खानेपानी उपभोग गर्न पाएका हुन् ।
वडा नं ६ का वडाध्यक्ष रमेश लुङ्गेलीले खानेपानीको समस्या झेल्दै आएको सो ठाउँका लागि प्रदेश सरकार र गाउँपालिकाको सहयोगमा खानेपानीको व्यवस्था गरिदिएपछि स्थानीयवासीमा थप खुसीको लहर छाएको बताउनुभयो । विगतमा सामूहिक धारा हँुदा एकैपटक धेरै जना पानी थाप्नका लागि जम्मा हुँदा विवाद झेल्नुपर्ने अवस्था रहेकोमा अब ‘एक घर, एक धारा’ले त्यसको अन्त्य भएको उहाँले बताउनुभयो ।
करिब साढे तीन किलोमिटर टाढाको बालखोप मुहानबाट मूल पाइप बिछ्याएर तीन ठाउँमा पानी ट्याङ्की निर्माण गरी घर–घरमा खानेपानी पु¥याइएको गाउँपालिकाका सव–इन्जिनियर प्रकाश खड्काले बताउनुभयो । सो आयोजना सम्पन्न गर्नका लागि रु ४६ लाख ५० हजार ५०० को लागतमा मुख्य पाइपलाइन र वितरण पाइप लाइन गरी करिब ११ किलोमिटर पाइपलाइन बिछ्याएर खानेपानी धारा वितरण गरिएको उहाँले बताउनुभयो ।
गाउँपालिका अध्यक्ष कान्छालाल जिम्बाले मानिसको जीवनसँग सम्बन्धित रहेको खानेपानी आयोजना सम्पन्न गर्नको लागि प्राप्त बजेटले बालखोपका स्थानीयवासीलाई लाभान्वित बनाउन सफल भएको बताउनुभयो ।
बागमती प्रदेश आर्थिक मामिला तथा योजना मन्त्रालयका सचिव धनिराम शर्माले दुर्गम गाउँपालिकाको विकट गाउँका बासिन्दालाई प्रदेश सरकारको साझेदारीमा खानेपानी उपलब्ध गराउन सफल भएको बताउनुभयो ।
