फ्यानहरुको प्रतिक्षाको घडी अन्ततः सकिएको छ । कमेडी क्वीन भारती सिंह र हर्ष लिम्बाचियाले आफ्ना छोरा गोलाको नाम सार्वजनिक गरेका छन् । भारती र हर्षले आफ्नो छोरालाई गोला भन्ने गर्छन् । तर फ्यानहरू दम्पतीको बच्चाको वास्तविक नाम जान्न उत्सुक थिए। भारती र हर्षले अब आफ्ना फ्यानहरूको इच्छा पूरा गरेका छन् र आफ्नो सानो राजकुमारको नाम के हो भनेका छन् ।
ढिलो नगरी अब हामी तपाईलाई बताऔं कि तपाईको मनपर्ने जोडी भारती र हर्षले आफ्नो सानो छोराको नाम लक्ष राखेका छन्। रिपोर्टका अनुसार भारती सिंहले आफ्ना सबै फ्यानलाई छोराको नाम बताएकी छिन् । भारतीले आफ्नो एउटा भिडियोमा रमाइलो शैलीमा भनिन्– उनका छोरालाई बाबु र आमा काम गरेको हेर्ने बानी छ । भारतीले ‘लक्ष्य’ जन्मदेखि नै काम गरिरहेको बताइन् ।
भारतीबाट उनको छोराको नाम लक्ष्य रहेको स्पष्ट हुन्छ । भारती र हर्षले अहिलेसम्म छोराको अनुहार खुलाएका छैनन् । तर दम्पतीले आफ्नो छोरासँग सम्बन्धित हरेक साना(ठूला अपडेट आफ्नो भ्लगमा फ्यानहरूसँग साझा गर्छन्। दुबैको ‘लाइफ अफ लिम्बाचिया’ नामको युट्युब च्यानल छ । भर्खरै भारती र हर्ष आफ्नो छोरालाई गोवाको पहिलो यात्रामा लिएर गएका थिए ।
भारतीले भिडियोमा आफू र हर्षको विवाह भएको होटलमा छोरासँग बस्दै आएको बताएकी थिइन् । भारतीले अप्रिल महिनामा पहिलो बच्चा जन्माएकी थिइन् । छोरा जन्मिएपछि दम्पतीको जीवन पूर्णतया परिवर्तन भएको छ । दुवैले छोरासँगको हरेक पललाई अविस्मरणीय बनाएका छन् र खुलेर अभिभावकत्वको आनन्द उठाइरहेका छन् ।
