काठमाडौँ । केही दिन अघि मात्रै सामाजिक संजालमा राष्ट्रिय क्रिकेट टोलीका पूर्व कप्तान सन्दीप लामिछानेले अँध्यारोपछि उज्यालो आउने भन्दै लेखेका थिए ।
करिब ३ महिना बन्द कोठामा बिताएका सन्दीप बिस्तारै फेरी पुरानै दिनचर्यामा फर्किन लागेका बेला नभन्दै उनले लेखेकै स्टाटससँग उनको जीवन पनि मेल खान पुगेको छ ।
स्टाटस अपडेट गरेको १ साता नबित्दै साँच्चिकै सन्दीपको जिन्दगीमा फेरी आशाको किरण पलाएको छ । आजमात्रै नेपाल क्रिकेट संघले उनीमाथि लगाएको निलम्बन फुकुवा गरेको छ ।
पोखरामा मंगलबार भएको क्यानको केन्द्रीय कार्यसमिति बैठकले निलम्बन फुकुवाको निर्णय गरेको हो । एक नाबालिका ब ला त्कार आरोपमा समातिएका उनलाई क्यानले निलम्बन गरेको थियो भने उच्च अदालतले उनलाई धरौटीमा छाड्ने निर्णय गरेसँगै निलम्बन फुकुवा गरिएको हो ।
यसैबिच आजैमात्र सोही मुद्दामा क्रिकेटर लामिछानेलाई थुनामै राख्नुपर्ने माग राख्दै महान्यायाधीवक्ताको कार्यालयले सर्वोच्चमा निवेदन दिएको छ ।
