सप्तरी -सप्तरीमा सालीलाई रङ दलेको विषयमा दुई समूहबीच झडप भएको छ । झडपमा परी केही युवा घाइते भएको बताइएको छ । सप्तरीको महादेवा गाउँपालिका–४ मनियार परसाही टोलमा हिजो मङ्गलवार २५ वर्षीय योगेन्द्र सरदारले आफ्नो सालीलाई रङ दलेपछि साली पक्षका युवाले सरदारलाई कुटपिट गरेका थिए ।
त्यसपछि योगेन्द्र सरदार पक्षका युवा जम्मा भएर परसाही टोलका युवासँग झडप गरेका थिए । कुटपिटमा संलग्न दुई जनालाई पक्राउ गरिएको प्रहरीले जनाएको छ ।
प्रहरीका अनुसार दुई समूहको झडपमा घाइते भएकाहरूको स्थानीय मेडिकल उपचार भइरहेको र फरार रहेका अन्य व्यक्तिहरूको खोजी भइरहेको छ ।
