जनकपुरधाम । नेकपा एमालेका प्रदेश २ का दुई सांसदले माधव नेपाल नेतृत्वको नेकपा एकीकृत समाजवादी रोजेका छन् ।
सांसद सुन्दरबहादुर विश्वकर्मा र सीता गुरुङले आज आइतबार जनकपुरधामस्थित प्रदेश निर्वाचन आयोग कार्यालय पुगेर एकीकृत समाजवादीमा सनाखत गरेका हुन् ।
योसँगै नेकपा एस रोज्नेमा १२ जना सांसद पुगेको छ र यसअघि बिहीबार एमालेका १० जना सांसदलेपनि दल सनाखत गरिसकेका छन् ।
जम्मा २१ जना प्रदेश सांसद रहेको नेकपा एमालेमा अब मात्र नौ जना सांसद रहेका छन् । नेकपा एसले प्रदेश २ मा आफ्नो बहुमत पाएको छ ।
