काठमाडौं । फिल्ममा देखाइने विभिन्न दृश्यहरु हेर्दा मानिसलाई निकै रमाइलो लाग्छ । तर, उक्त सिनका लागि अभिनय गर्नु निकै कठिन काम हो ।
कलाकारले यसका लागी ज्यानकै बाजी राखेर पनि काम गर्नुपर्ने अबस्था आउन सक्छ ।अभिनय गर्ने क्रममा धेरै कलाकारहरु घाइते पनि हुने गरेका छन् । कहिलेकाँही ज्यानलाई नै जोखिम पर्ने किसिमको घटना पनि हुने गरेको छ ।
यस्तै शिकार बनेकी थिइन ् बलिउडकी सुन्दरी नायिका ऐश्वर्या राय बच्चन पनि । सन् २००४ मा आएको फिल्म खाकी फिल्ममा शुटिङको क्रममा ऐश्वर्या दुर्घटनामा परेकी थिइन् ।
त्यतिबेला उनी अनियन्त्रित जीपसँग ठोक्किएर झाडीमा खसेपछि उनलाई तत्काल अस्पताल पुर्याइएको थियो । ऐश्वर्या पछिल्लो समय फिल्ममा त्यति देखा परेकी छैनन् ।
