• २०७८ कार्तिक ३ बुधबार

ताजा अपडेट

धेरै पढिएको

विश्व समुदायको बिरोध बाबजुद उत्तर कोरियाले फेरि गर्‍यो अर्को आणविक क्षेप्यास्त्र प्रहार

विश्व समुदायको बिरोध बाबजुद उत्तर कोरियाले फेरि गर्‍यो अर्को आणविक क्षेप्यास्त्र प्रहार


  • ओएसनेपाल
  • असोज १३ २०७८, बुधबार
  • ३:२७ बजे
  • अ +
  • अ -
  • पढ्न लाग्ने समय: < २ मिनेट
  • 1.1K
    SHARES

    प्योङयाङ, १३ असोज- उत्तर कोरियाले फेरि अर्को आणविक क्षेप्यास्त्र प्रहार गरेको छ । उत्तरले ह्वासङ–८ नाम गरेको नयाँ आणविक क्षेप्यास्त्र प्रहार गरेको त्यहाँका सरकारी सञ्चार माध्यमहरुले जनाएका छन् । उत्तरले प्रहार गरेकोे क्षेप्यास्त्र जापानको समुद्रमा खसेको थियो । उत्तरले सोमवार पनि एउटा क्षेप्यास्त्र प्रहार गरेको थियो ।

    परीक्षण गरिएको नयाँ क्षेप्यास्त्रलाई उत्तरले रणनीतिक हतियार बताएको छ । यस्ता क्षेप्यास्त्रमा आणविक अस्त्र ‘फिट’ गर्न मिल्छ ।प्रतिबन्धबीच उत्तरले एकपछि अर्को आणविक अस्त्र परीक्षण गरिरहेको छ । उसले यसै महिना तेस्रो मिसाईल परीक्षण गरेको थियो । उत्तरले नयाँ प्रकारको क्रुज मिसाईल र नयाँ व्यालिष्टिक मिसाइल प्रणाली यसअघि नै सार्वजनिक गरिसकेको छ ।

    गत जनवरीमा उत्तर कोरियाली नेता किम जोङ उनले आवाजबाट चल्ने हतियार विकास गर्न लागेको बताएका थिए । आफ्नो एक सम्बोधनमा उनले उत्तरले विकसित गर्न चाहेका अन्य अत्याधुनिक हतियारको नामसमेत सार्वजनिक गरेका थिए ।

    उत्तर कोरियालाई निशस्त्र पार्ने विषयमा अन्तर्राष्ट्रिय समुदायबीच भएका छलफल अहिले रोकिएका छन् । विश्व समुदायको बिरोध बाबजुद उत्तरले नयाँ आणविक हतियार विकसित गरिरहेको छ । उत्तरले पछिल्लो पटक परीक्षण गरेको आणविक हतियारबारे अध्ययन गरिरहेको अमेरिकी सेनाले एक विज्ञप्तिमार्फत भनेको छ ।तर, सो हतियारले अमेरिका र उसका सहयोगी राष्ट्रलाई कुनै असर नगर्ने उसले प्रष्ट पारेको छ ।

    प्रतिकृया दिनुहोस

    ट्रेन्डिङ
  • सम्बन्धित समाचार
    छुटाउनु भयो की ?

    © 2021 All Right Reserved osnepal.com

    Site By: SobizTrend