उर्फी जावेद पनि एक गजबकै अभिनेत्री मध्येकी एक हुन् । उनि जता त्यतै छाईरहेकी हुन्छिन् । उर्फी जावेदको उत्कृष्ट प्रतिभा यो हो कि उनलाई लाइमलाइट लुट्न चारैतिर क्यामेराले घेर्नु पर्दैन। उनले केवल एक पोस्ट राखि दिए पछि पुग्छ । यसैक्रममा उर्फी जावेदले एउटा पोस्ट गरेकी छिन् जसबाट प्रष्ट हुन्छ कि हामीलाई कलाकारहरूको जीवन जति राम्रो र सहज देखिन्छ वास्तवमा यो त्यति नै गाह्रो छ।
उर्फी जावेदको ग्ल्यामर्स जीवनमा कुनै कम समस्या छैन। जाडो मौसममा सबैजना रजाई भित्र आराम गरिरहेका हुन्छन्। त्यतिबेला उर्फी जावेद आफ्नो आगामी प्रोजेक्टको माइनस ८ डिग्रीमा सुटिङ गरिरहेकी छिन् । भिडियोमा उर्फी चिसोले समस्यामा परेको देखिन्छ । सुटिङको भिडियो सेयर गर्दै उर्फीले तापक्रम माइनस ८ डिग्री भएको र यो ड्रेसमा आफूले ‘तू जाने ना’ गीत मात्रै याद गरेको बताइन् ।
यससँगै उनले आफ्नो पार्टनर संग हाइट मिलाउन गाह्रो भएको समेत बताएकी छिन् । आफ्नो उचाइको बारेमा बताउँदै उर्फीले आफू ५ फिट १ इन्च भएको लेखेकी छिन् । उही समयमा, पार्टनरको उचाइ ६.३ रहेको छ । त्यसैले उसलाई आफ्नो उचाइसँग मिलाउन गाह्रो भएको बताईन् । उर्फी जावेद आफ्नो असामान्य लुगाका लागि एकदमै प्रसिद्ध रहेकी छिन् ।
तर, उनी सधैँ अनौठो लुगा लगाउँछिन् भन्ने होइन । भिडियोमा उर्फी जावेद सेतो(गुलाबी कलरको पोशाकमा देखिएकी छिन्, जसमा उनी निकै सुन्दर देखिएकी छिन् । भिडियो हेर्दा उनी म्युजिक भिडियोको सुटिङमा छिन् भन्ने अनुमान गर्न सकिन्छ । तर वास्तविकता के हो त्यो भने उर्फीबाट पछि थाहा हुनेछ ।