फिक्कल – नेकपा (एमाले) का उपाध्यक्ष सुवास नेम्वाङले इलामका दुवै क्षेत्रमा एमालेका उम्मेदवार विजयी हुने बताउनुभयो । आज यहाँ आयोजित कार्यक्रममा नेम्वाङले भन्नुभयो, “तपाईंहरुले दिएको भोट खेर जाँदैन । हामी इलामका दुवै क्षेत्रबाट विजयी हुन्छौँ ।”
मुलुकलाई संविधान दिएर विकासको आधार तयार बनाउन आफूले नेतृत्व गरको उहाँको भनाइ थियो । नेम्वाङ पाँचाँै पटक आगामी निर्वाचनमा प्रतिस्पर्धा गर्दै हुनुहुन्छ । उहाँले विसं २०५६ यता लगातार चुनाव जित्दै आउनुभएको छ ।
